Vendosja e vajit në flokë para larjes është një praktikë e vjetër bukurie që përdoret prej shekujsh në shumë vende të Azisë, si Indi, Kinë, Japoni dhe Kore. Ky ritual ndihmon në ushqimin e flokëve, stimulimin e rritjes dhe mbrojtjen nga dëmtimet.
Në traditën ajurvedike, aplikimi i vajit në lëkurën e kokës bëhet zakonisht një herë në javë, duke shoqëruar me masazh të skalpit për të përmirësuar qarkullimin e gjakut dhe për të forcuar folikulat e flokëve.
Ndër vajrat më të përdorur janë vaji i ricinit dhe ai i amlas, të cilët ndihmojnë në rritjen e flokëve, ushqimin e skalpit dhe reduktimin e thatësisë.
Ekspertët këshillojnë që vaji të aplikohet në flokë të thatë, të masazhohet për disa minuta dhe të lihet për disa orë ose gjatë natës para larjes me shampo. Trajtimi mund të përsëritet një herë në javë për flokë më të fortë dhe me më shumë shkëlqim.
