Një aksident ka ndodhur pak minuta më parë në rrugën dytësore drejt fshatit Baltëz në Fier.
Një automjet tip “Audi” me drejtues shtetasin Rrapi Mile është përplasur me automjetin tip ”Nissan” kamionçinë, me drejtues shtetasin Alban Hebeja.
Si pasojë e përplasjes së fortë drejtuesi i kamionçinës dhe dy pasagjerët që ndodheshin në të janë lënduar.
Ata janë transportuar me urgjencë drejt Spitalit Rajonal Fier, ku po marrin ndihmën mjekësore dhe ndodhen jashtë rrezikut për jetën.
Në vendngjarje kanë shkuar menjëherë policia dhe grupi hetimor të cilët po punojnë për zbardhjen e rrethanave të këtij aksidenti.
Edhe dëmet materiale janë të konsiderueshme, teksa pritet ekspertiza autoteknike për të përcaktuar dinamikën dhe shkakun e aksidentit.
