Trajneri i ekipit kombëtar të Rumanisë, Mirkea Lukesku u shtrua në spital pasi pësoi atak në zemër gjatë një seance stërvitore. Incidenti ndodhi ndërsa ekipi përgatitej për ndeshjen miqësore me Sllovakinë. Për të zgjidhur problemet e 80 vjeçarit, iu vendos një defibrilator, në mënyrë që të rregullonte ritmin e rrahjeve të zemrës.
Lukesku i ka sqaruar transmetuesit rumun Golazo se po shërohet dhe e gjitha erdhi për shkak të ndikimit emocional të humbjes 1-0 të Rumanisë në playoff ndaj Turqisë. Ai shpjegoi se, pas ndeshjes, u acarua dhe përjetoi vështirësi në frymëmarrje. Ai konfirmoi diagnozën si fibrilacion atrial, një gjendje që e kishte hasur më parë në Breshia, Itali dhe në fund të vitit të kaluar.
