Gjatë miqësores së Spanjës kundër Egjiptit, tifozët vendas u sollën në mënyrë diskriminuese duke kënduar një këngë anti-myslimane.spanja“Kërce, kërce, kërce, kush nuk kërcen është mysliman”, është ajo që u dëgjua në tribunat e stadiumit të Espanjolit. Gjatë pushimit dhe pjesës së dytë, një mesazh u transmetua përmes altoparlantëve të stadiumit, duke u kërkuar tifozëve të mos përdornin këngë raciste, homofobike apo ksenofobike. Mesazhi u prit me fishkëllima nga turma.
“Ju kujtojmë se legjislacioni për parandalimin e dhunës në sport ndalon dhe ndëshkon pjesëmarrjen aktive në akte të dhunshme, ksenofobike, homofobike ose raciste”, u tha në një mesazh në ekranin e stadiumit. Ky stil këngësh zakonisht përdoret nga tifozët spanjollë gjatë ndeshjeve, por zakonisht subjekti i këngës është vendi kundërshtar dhe jo një fe specifike. Egjipti është një vend kryesisht mysliman, me rreth 90 për qind të popullsisë që ndjek fenë islame, sipas bazës së të dhënave botërore për fetë.
Mesfushori i Barcelonës, Pedri ishte ndër të parët që reagoi pas ndeshjes duke dënuar këtë sjellje të tifozëve vendas. “Ne, si lojtarë, u tronditëm gjithashtu nga këngët. Nuk biem dakord me asnjë lloj kënge raciste. Nuk e prisnim këtë. Të gjithë duhet të punojmë së bashku për ta ndaluar këtë që të ndodhë në stadiume”, ka deklaruar ai.
