Në Itali janë regjistruar 333 raste të reja me koronavirus dhe 66 viktima, duke shënuar rritje krahasuar me bilancin e një dite më parë përsa i përket viktimave. Nga shifrat e dites se sotme, 216 raste të reja dhe 36 viktima janë shënuar në Lombardi.
Në total, në Itali janë shënuar deri më sot 238 159 raste dhe 34 514 viktima nga Covid-19. Gjithashtu, rritje ka pasur edhe numri i pacientëve të shtruar në terapi intensive: 5 më shumë në krahasim me dje.
Ndërkohë, të shëruarit në 24 orët e fundit janë 1089. Katër rajone nuk kanë regjistruar raste të reja: Valle d’Aosta, Umbria, Molise dhe Basilicata.
