Një 33-vjeçar shqiptar është arrestuar në Breshia të Italisë teksa po bënte shkëmbimin e radhës të drogës.
Karabinierët e njësisë së Salò, pikasën dje të riun nën dyshimin se ishte i përfshirë në një rrjet trafikimi të kokainës në zonë. Ai ishte i skeduar nga autoritetet për aktivitet të ngjashëm më herët.
Një nga patrullimet rutinë ishte duke u zhvilluar kur oficerët vunë re diçka të gabuar. 33-vjeçari po i dorëzonte një pako një klienti, i cili më vonë doli të ishte një 32-vjeçar nga Caltagirone, Siçili. Një dorëzim i shpejtë, gjesti klasik i dikujt që dëshiron të përfundojë aksionin pa u vënë re.
Përgjigja ishte e menjëhershme: oficerët vepruan shpejt, duke i penguar të dy të iknin dhe duke i arrestuar ata para se të mund të largoheshin dhe të asgjësonin sendet e tyre.
Karabinierët gjetën te shqiptari 18.50 gramë kokainë, gati për shitje. Vlera e tregut të drogës është afërsisht 1500 euro, e cila u sekuestrua.
Shqiptari u arrestua me akuzën e posedimit dhe trafikimit të drogës dhe është në pritje të masës së sigurisë dhe procesit gjyqësor.
