Këngëtari i njohur i “West Side Family”, Armir Shahini, ka qenë i ftuar në emisionin “Ndryshe” me Elona Duro dhe Salsano Rrapi, ku ka folur për eksperiencën e tij në “Big Brother VIP 5” dhe raportet me ish-banorët e shtëpisë më të famshme në Shqipëri.
Ish-finalisti i edicionit të pestë të reality show-t ka ndarë me publikun detaje nga marrëdhëniet që ka ruajtur pas daljes nga programi, duke u ndalur edhe te emra të veçantë me të cilët ka ndarë rrugëtimin e tij brenda shtëpisë.
I pyetur nëse është takuar me Selin pas përfundimit të BBV 5, Miri la të kuptohet se raportet mes tyre kanë qenë të natyrshme dhe pa tensione të hapura, duke nënvizuar se kur janë hasur rastësisht, gjithçka ka qenë normale dhe korrekte.
“Ku urrej unë?! Unë jam njerëzor, jam babaxhan”, u shpreh ai, duke hedhur poshtë çdo aludim për konflikte apo përplasje personale me ish-banorët.
Në intervistën e zhvilluar mes momenteve emocionale dhe spontane, Miri foli gjithashtu për jetën pas daljes nga BBV 5, duke treguar se periudha pas spektaklit ka qenë mjaft intensive për të.
Ai tha se është përballur me një realitet krejt të ri, ku vëmendja e publikut është rritur ndjeshëm, ndërsa paralelisht është rikthyer fuqishëm edhe te muzika dhe projektet artistike.
Sipas tij, kjo periudhë ka sjellë një kombinim mes përshtatjes me famën e re dhe vazhdimit të rrugës së tij në art, duke e bërë këtë fazë një nga më të ngarkuarat, por edhe më të rëndësishmet në karrierë.
