Kuvendi zhvillon sot në orën 17:00 seancën plenare, ku në rend dite janë disa çështje organizative dhe vendimmarrëse të rëndësishme.

Në rendin e ditës përfshihen miratimi i procesverbalit të seancës plenare të datës 21.5.2026, njoftime të ndryshme, si dhe një sërë projektvendimesh që lidhen me organizimin e komisioneve parlamentare.

Deputetët pritet të shqyrtojnë projektvendimin “Për zgjedhjen e kryesive të komisioneve të përhershme të Kuvendit”, si dhe projektvendimet për caktimin e përbërjes së tyre dhe të anëtarëve zëvendësues. Të gjitha këto vendime kërkojnë shumicë të thjeshtë votash për miratim.

Rendi i Ditës

Në mbështetje të urdhrit nr. 34, datë 29.5.2026 të Kryetarit të Kuvendit, z. Niko Peleshi, rendi
i ditës është si më poshtë vijon:

1. Miratimi i procesverbalit të seancës plenare të datës 21.5.2026.
(Neni 44, pika 2, të Rregullores së Kuvendit)

2. Njoftime.
(Neni 44, pika 3, të Rregullores së Kuvendit)

3. Projektvendim “Për zgjedhjen e kryesive të komisioneve të përhershme të Kuvendit”.
(Në mbështetje të nenit 78, pika 1, të Kushtetutës, si dhe të neneve 21, pika 1, dhe 55, pika 1, të Rregullores së Kuvendit, shumicë e thjeshtë votash për miratim)

4. Projektvendim “Për caktimin e përbërjes së komisioneve të përhershme të Kuvendit”.
(Në mbështetje të nenit 78, pika 1, të Kushtetutës, si dhe të neneve 21, pika 1, dhe 55, pika 1, të Rregullores së Kuvendit, shumicë e thjeshtë votash për miratim)

5. Projektvendim “Për caktimin e anëtarëve zëvendësues në përbërjen e komisioneve të përhershme të Kuvendit”.

(Në mbështetje të nenit 78, pika 1, të Kushtetutës, si dhe të neneve 21/1 dhe 55, pika 1, të Rregullores së Kuvendit, shumicë e thjeshtë votash për miratim)

6. Diskutime për çështje të evidentuara nga zgjedhësit. (Në mbështetje të nenit 40/1, koha e diskutimeve për çështje të evidentura nga zgjedhësit, e cila është jo më shumë se 4 orë, ndahet të mënyrë të barabartë mes shumicës dhe pakicës, duke marrë parasysh edhe deputetët jashtë grupeve parlamentare.)