Presidenti amerikan, Donald Trump tha se teksti i memorandumit të mirëkuptimit midis Shteteve të Bashkuara dhe Iranit do të publikohet publikisht, me shumë mundësi pas ceremonisë zyrtare të nënshkrimit të planifikuar për të premten. I pyetur se kur do të publikohej marrëveshja, Trump tha së shpejti.
“Mendoj se shumë shpejt. Dua që të publikohet sepse është një dokument shumë i fuqishëm. Pra, ndoshta shumë shpejt. Do të thoja pak pas të premtes”, tha ai.
Trump gjithashtu la të kuptohej se nuk do të merrte pjesë në ceremoninë zyrtare të nënshkrimit të marrëveshjes me Iranin, e cila është caktuar të premten në Zvicër.
Trump, duke folur së bashku me presidentin Francez Emmanuel Macron në samitin e G7 në Evian-les-Bains, tha se zëvendëspresidenti JD Vance do të shkonte në Gjenevë për këtë ngjarje.
“Fillimisht ai do ta bënte. Unë ndoshta do të jem larguar deri atëherë”, tha ai.
Më parë, një zyrtar i lartë amerikan tha se si Trump ashtu edhe Vance e kishin nënshkruar marrëveshjen virtualisht.
