India ka thirrur zëvendësambasadorin e Iranit për të kërkuar sqarime pas vrasjes së një detari indian në Ngushticën e Hormuzit, bëri të ditur një zyrtar i qeverisë indiane.
Detari humbi jetën, ndërsa tetë anëtarë të tjerë të ekuipazhit mbetën të plagosur, pasi dy anije u goditën nga raketa iraniane pranë brigjeve të Omanit.
Teherani deklaroi se dy tankerët ishin “shkelës” dhe u goditën pasi shpërfillën paralajmërimet dhe tentuan të kalonin në një “rrugë të minuar”.
Sipas agjencisë detare të OKB-së, nga fillimi i luftës më 28 shkurt deri në fillim të qershorit, janë vrarë 14 detarë si pasojë e incidenteve në zonë.
