Aktori i njohur Paul Wesley, i cili u bë i famshëm për publikun e gjerë përmes rolit në serialin “The Vampire Diaries”, është martuar me modelen Natalie Kuekenberg.
Sipas “People”, çifti ka lidhur kurorë në një ceremoni të thjeshtë dhe romantike, larg vëmendjes së mediave.
Lajmi u bë publik përmes një postimi në Instagram të hënën, më 13 korrik, ku Natalie Kuekenberg ndau disa foto nga momentet e veçanta të ditës së tyre. Në imazhe, çifti shfaqet i buzëqeshur, i shoqëruar edhe nga qeni i tyre, Greg. Në një prej fotove më të ndjera, të sapomartuarit puthen, ndërsa në një tjetër, qeni i tyre qëndron mes tyre gjatë shkëmbimit të premtimeve.
Paul Wesley dhe Natalie Kuekenberg janë në një lidhje prej rreth katër vitesh, ndërsa daljet e para publike së bashku datojnë në vitin 2022. Vetë aktori ka treguar se janë njohur në mënyrë krejt të zakonshme, në një bar në New York.
Fejesa e tyre u zhvillua në verën e vitit 2025, në një vend me domethënie të veçantë për çiftin, në një hotel në Bregun e Amalfit, aty ku kishin bërë edhe udhëtimin e tyre të parë së bashku. Modelja e ndau atëherë lajmin në rrjetet sociale, duke treguar edhe unazën e propozimit.
