Dhimbja e fortë dhe e menjëhershme në gjoks mund të mos jetë thjesht një shqetësim i zakonshëm, por një shenjë e një gjendjeje shumë të rrezikshme për jetën, siç është diseksioni i aortës.
Kjo sëmundje është rikthyer në vëmendje pas vdekjes së senatorit amerikan Lindsey Graham, i cili sipas gjetjeve paraprake mjeko-ligjore humbi jetën nga diseksioni i aortës si pasojë e sëmundjes aterosklerotike kardiovaskulare.
Diseksioni i aortës ndodh kur krijohet një çarje në shtresën e brendshme të aortës, arteria më e madhe e trupit që dërgon gjakun nga zemra në organet e tjera. Gjaku futet mes shtresave të murit të aortës dhe mund të shkaktojë këputjen e saj ose ndërprerjen e furnizimit me gjak të organeve.
Kjo gjendje konsiderohet një urgjencë mjekësore, pasi rreth 40% e pacientëve mund të humbin jetën menjëherë, ndërsa rreziku rritet sa më shumë vonohet trajtimi.
Simptoma kryesore është një dhimbje e papritur dhe shumë e fortë në gjoks ose në pjesën e sipërme të shpinës, shpesh e përshkruar si ndjesi “shqyerjeje” ose “therjeje”.
Personat më të rrezikuar janë ata që vuajnë nga tensioni i lartë i gjakut, kolesteroli i lartë, ateroskleroza, sëmundjet e enëve të gjakut, duhanpirësit, si dhe personat me histori familjare të diseksionit të aortës.
