Melinda Ademi, e cila është e fejuar me menaxherin e saj, Granit Muhaxheri, është “ngacmuar” për planet e ardhshme sa i përket jetës së tyre private.
Këngëtarja u pyet së fundmi nëse planifikojnë që ta kurorëzojnë dashurinë e tyre me një dasmë, por ajo preferoi të mos ndante detaje.
“Nuk dua të tregoj, nuk është interesant nëse tregoj gjithçka”, u përgjigj ylli i muzikës në një prononcim për ‘Artistët Shqiptarë’.
Këngëtarja u fejua vitin e kaluar. Ajo publikoi në rrjete sociale momentet emocionuese të propozimit buzë detit. Graniti kishte përgatitur një skenë të veçantë, ku mbi një tabelë dekorative shkruhej “A do të martohesh me mua?”
Pas propozimit, çifti organizoi edhe ceremoninë e fejesës, duke festuar me familjarët dhe miqtë më të afërt.
