Manuel Sarrazin, deputet i të Gjelbërve në Gjermani, ka reaguar për prishjen e Teatrit Kombëtar. Ai shpreh keqardhjen për prishjen dhe thekson se partia e tij mbështet protestat në Shqipëri, të atyre që janë të angazhuar për zgjidhje demokratike dhe transparente.
“Më vjen shumë keq për prishjen e Teatrit Kombëtar pothuajse brenda natës. Sepse unë i kuptoj dhe i mbështes protestat e atyre që duan të ruajnë asetet kulturore kombëtare dhe që janë të angazhuar për zgjidhje demokratike dhe transparente. Prandaj është shumë për të ardhur keq që nuk u gjend një zgjidhje e përbashkët midis qeverisë dhe artistëve”.
