Vendi është tronditur nga një aksident tragjik, në të cilin humbën jetën dy fëmijë të mitur, ndërsa një tjetër mbeti i plagosur.
Sipas informacioneve, familja e autorit të aksidentit, Nikoll Radaçi, është larguar nga zona ku banonte, për shkak të frikës nga reagimet e mundshme të komunitetit.
Autoritetet bëjnë të ditur se 57-vjeçari, me precedentë të mëparshëm për shkelje të rregullave të qarkullimit dhe gjoba të ndryshme, po drejtonte automjetin me shpejtësi tej normave të lejuara dhe nën ndikimin e alkoolit.
Si pasojë, ai përplasi tre fëmijë që ndodheshin në trotuar, duke u marrë jetën dy prej tyre dhe duke lënë të plagosur të tretin. Ngjarja e rëndë ka ndodhur pavarësisht masave të ndërmarra më herët për rritjen e sigurisë në rrugë.
