Bankomati i një banke të nivelit të dytë u grabit sot në qendër të Shijakut.
“Më datë 14.02.2019, në orët e para të mëngjesit, persona të paidentifikuar kanë vjedhur një bankomat të një banke të nivelit të dytë”, informoi policia e Durrësit.
“DurrësLajm” ishte në vendngjarje dhe sjell pamjet e bankomatit që ra pre e grabitësve, ndërsa përpara bankës vihet re prania e uniformave blu.
Ndërkaq, nuk ka ende të dhëna rreth sasisë së parave që kanë mundur të marrin autorët.
Policia po punon për identifikimin dhe kapjen e tyre.
