Barcelona nuk shkoi më shumë se barazimi 0-0 ndaj Rayo Vallecano në javën e parë në La Liga. Pavarësisht ndryshimeve të shumta në merkato, skuadra e Xavi-t nuk gjeti rrugën e rrjetës.
Sezonin e kaluar Barcelona e mbylli me një humbje ndaj Villarreal (0-2) dhe një barazim përballë Getafe (0-0) dhe tashmë barazimi ndaj Vallecano-s e çon në tre numrin e ndeshjeve radhazi pa shënuar në kampionat për herë të parë pas 19 vitesh.
Këtë rekord negativ, katalanasit e regjistronin në sezonin 2003-2004, në fillimin e kampionatit (shtator-tetor) në ndeshjet:
Java 5 / Atletico M. – Barcelona 0-0
Java 6 / Barcelona – Valencia 0-1
Java 7 / Barcelona – Dep. La Coruna 0-2
Në atë sezon, Barcelona bëri kthesën me suksesin 1-3 në transfertën e Mallorca-s, ndërsa tani kthesa kërkohet në “tokën” baske ndaj Real Sociedad, përsëri në transfertë.
