DURRËS, 12 nëntor 2014–  Këngëtari i famshëm Justin Bieber ka paguar pasojat e një nate të shfrenuar, teksa kishte gjuajtur me vezë shtëpinë e fqinjit në Kaliforni. Mosmarrëveshjen me fqinjin e tij e zgjidhi gjykata, teksa dënoi këngëtarin me një gjobë prej 65 mijë eurosh. Përveç gjobës, gjykata ka vendosur që Bieber të bëjë edhe 12 seanca psikoterapie dhe 5 ditë punë sociale. Pavarësisht mbylljes së rastit, Justin do të mbetet në vëzhgim deri në vitin 2016, për shkak të bëmave të shumta të kohëve të fundit.