Këngëtarja e njohur shqiptare Big Mama, e cila prej dy muajsh është bërë pjesë e spektaklit “Ferma VIP”, ka ndarë një rrëfim tronditës për publikun teksa ka rrëfyer një përvojë të dhunshme që ka përjetuar në lidhjen e saj të parë.
Ajo tregoi se kishte qenë viktimë e dhunës fizike dhe psikologjike nga partneri i atëhershëm. “Filloi me xhelozi të madhe, presion psikologjik, më largoi nga shoqëria. Nuk isha më vetja ime,” tha Big Mama.
Ajo kujtoi një episod të rëndë ku, sipas saj, partneri e kishte shtrënguar në fyt aq fort sa nuk kishte mundur të ushqehej për rreth një javë.
“E fsheha, nuk doja të dilja në portale. Kisha hallin e familjes,” shtoi ajo, duke shpjeguar arsyet pse nuk kishte folur më herët.
