Trafiku ajror për në Belgjikë do të pezullohet nga ora 14:00 e së martës për shkak të grevës industriale në Skeyes, bën me dije kompania e kontrollit të trafikut ajror.
Një grevë spontane nga kontrollorët gjatë natës të së hënës çoi në anulimin e 30 fluturimeve të pasagjerëve në Aeroportin Charleroi dhe preku rreth 40 fluturime mallrash në Aeroportin e Liège. Skeyes ka konfirmuar se trafiku do të ndërpritet përsëri të martën pasdite.
Në Aeroportin e Brukselit, rreth 25 fluturime nisjeje u vonuan me një deri në dy orë dhe dy fluturime me destinacion Zaventem u devijuan në aeroporte të tjera. Transportet e mallrave të DHL në Bruksel u ndërprenë gjithashtu.
Stafi po proteston kundër kushteve në të cilat do të vihet në shërbim kulla e ardhshme digjitale e kontrollit në Namur. Qendra do të centralizojë operacionet e kullave të kontrollit në aeroportet e Liège dhe Charleroi nga viti i ardhshëm.
