Një fluturim i United Airlines nga Newark, New Jersey, për në Palma de Mallorca, Spanjë, u detyrua të kthehej mbrapsht për shkak se një nga pasagjerët kishte hapur Bluetooth-in me emrin “Bomb”.
Sipas raporteve të medias amerikane, në bord të aeroplanit kishte 190 pasagjerë dhe 12 anëtarë të ekuipazhit. Pilotët u kthyen ndërsa fluturonin mbi Atlantik rreth një orë pas ngritjes dhe pas një urdhri nga kulla e kontrollit.
Alarmi nisi kur një nga pasagjerët vuri se në telefon i dilte një rrjet Bluetooth aktiv me emrin “BOMB”.
Aeroplani u ul përsëri në Newark dhe u transferua në një platformë të largët larg terminalit. Pasagjerët u transferuan në terminal dhe iu nënshtruan një kontrolli tjetër sigurie.
Një djalë 16-vjeçar përfundimisht pranoi se zotëronte Bluetoothin të quajtur “Bomb”. Ai u dërgua në paraburgim për t’u marrë në pyetje nga autoritetet federale dhe aktualisht është e paqartë nëse do të ngrihen akuza zyrtare.
Ai përballet me një dënim deri në pesë vjet burg dhe një gjobë. Pas nisjes, fluturimi u ul në Palma de Mallorca me mbi nëntë orë vonesë.
