Pas presionit nga ana e Ministrisë së Ekonomisë dhe Energjetikës që nuk do të tolerojë kufizime të energjisë elektrike gjatë festave, CEZ Shpërndarje reagon duke bërë të ditur se gjendja financiare nuk i mundëson akses për të ofruar shërbim cilësor, përfshi edhe furnizimin normal me drita.
“Angazhimi kryesor i kompanisë mbetet furnizimi me energji elektrike i klientëve të rregullt dhe kompania po bën të gjitha përpjekjet e mundshme për t’iu përmbajtur këtij angazhimi, por bllokimi i vazhdueshëm i llogarive bankare të kompanisë nga institucionet shtetërore ERE, KESH dhe OST, e ka bërë pothuajse të pamundur kryerjen e çdo shpenzimi operativ për mirëmbajtjen e rrjetit dhe riparimin e defekteve”, thekson CEZ.
Bllokimi i llogarive bankare është marrë me vendim gjykate pasi CEZ u ka borxh institucioneve të tjera përkatësisht: KESH-it, 150 milion euro, OST-së, 35 milion euro, ERE-s, 3 milion euro.
Në këtë mënyrë duket se kufizimet do të vazhdojnë në mbarë vendin dhe festat nuk janë të garantuara me dritë.
