9 dhjetor 2014 – Mbrëmjen e djeshme, më 8 dhjetor solli në Tiranë rivënien e operës së Moxartit “Così fan tutte”, ose “Shkolla e të dashuruarve”. Risi e radhës ishte tenori i njohur spanjoll David Ferri.
Opera “Così fan tutte”, e cila u shfaq të hënën, në orën 19.00 në Teatrin Kombëtar të Operës dhe Baletit, është një nga operat më të famshme të Moxartit.
“Cosi Fan Tutte” i ka munguar publikut shqiptar për tetë vite, shprehen drejtuesit e TKOB, ndaj ata kanë menduar ta rifreskojnë trupën interpretuese të repertorit të këtij institucioni me zërin e tenorit spanjoll David Ferri. Opera u rikthye në skenë me zërat e artistëve më të shquar shqiptarë, siç janë solistët e TKOB, Vikena Kamenica, Sonila Baboçi, Aurel Thëllimi, Dorina Selimaj, Eriona Gjyzeli dhe Armando Likaj. Tenori spanjoll David Ferri do të luajë rolin e Fernandos. Artisti Ferri u shpreh gjatë provave, se rolin e Ferrandos e interpreton për herë të tretë, ndërkohë që në një skenë të re, siç është për të skena e operës së Tiranës preferon të eksperimentojë.
Në operën “Così fan tutte” ngjarjet zhvillohen në Napoli. Dy oficerët, Fernando dhe Guiliemo mburren për besnikërinë e të fejuarave të tyre, e cila kundërshtohet nga miku i tyre filozofi Don Alfonso. Për të vërtetuar këtë, ata i vënë në provë të fejuarat e tyre. Pas shumë peripecive dhe mungesës së besnikërisë, ata rikthehen tek njëri– tjetri me fjalët, “i lumtur ai njeri që gjithçka e merr në sensin e mirë dhe udhëhiqet nga arsyeja në çështjet dhe ngjarjet”.
Kjo opera do të ngjitet në skenë edhe në datën 8 dhjetor.
“Così fan tutte opera”, Opera me dy akte nga Ëolfgang Amadeus Mozart me libret të Lorenzo da Ponte.
Fiordiligi: Emiljana Palushaj
Dorabella: Vikena Kamenica, Sonila Baboçi
Ferrando: David Ferri
Guglielmo: Aurel Thëllimi
Despina: Dorina Selimaj, Eriona Gjyzeli
Don Alfonso: Armando Likaj
Orkestra Simfonike dhe Kori i TKOB
Dirigjent: Matteo Pagliari
Regjizor: Nikolin Gurakuqi
Skenografia: Nikolin Gurakuqi
Kostumet: Taulant Pustina
