Një 39-vjeçar ka përfunduar në pranga pasi ka dhunuar psikologjikisht bashkëshorten dhe vajzën e mitur. Policia e Tiranës bën me dije se pas kontrollit të ushtruar në banesën e shtetasit A.B., u sekuestrua një armë gjahu e llojit “Kralmagnum” dhe 38 fishekë.
NJOFTIMI I POLICISË
Më datë 15.08.2017, shërbimet e policisë të Komisariatit Nr.3, kanë bërë të mundur arrestimin në flagrancë të shtetasit: – A.B., 39 vjeç, banues në Tiranë. Arrestimi i këtij shtetasi është bërë i mundur, pasi ky shtetas, më datë 14.08.2017, rreth orës 22:00, duke qenë në gjendje të dehur, në banesë ka ushtruar dhunë psikologjike ndaj bashkëshortes, shtetases D.B., 31 vjeç dhe vajzës së mitur shtetases I.B., 13 vjeç.
Gjatë kontrollit të ushtruar në banesë u gjetën dhe sekuestruan në cilësinë e provës materiale:
– Armë gjahu e llojit “Kralmagnum”.
– 38 fishekë, 12 prej të cilëve të vendosur gjerdan. Materialet iu referuan Prokurorisë së Rrethit Gjyqësor Tiranë, në ngarkim të shtetasit të lartëpërmendur për veprën penale “Dhunë në familje” dhe ” Prodhim dhe mbajtja pa leje e armëve të gjuetisë dhe sportive”, parashikuar nga nenet 130/a dhe 280 të Kodit Penal.
