Një aksident me dy të lënduar ka ndodhur pak më parë në Durrës.
Mësohet se një makinë është përplasur me patrullën e policisë në lagjen nr.4 dhe për pasojë kanë mbetur të plagosur dy efektivë.
NJOFTIMI I POLCISË
Më datë 13.08.2021, rreth orës 12:10, në lagjen nr.4, Durrës, një mjet me drejtues shtetasin Sh. K., është përplasur me patrullën e Forcës së Posaçme “Shqiponja” e cila ishte në shërbim.
Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve.
Drejtuesi i automjetit po shoqërohet në ambientet e Policisë, për veprime të mëtejshme.
Grupi hetimor po punon për zbardhjen dhe përcaktimin e shkakut të aksidentit.
