Ministri i Jashtëm rus, Sergey Lavrov u zemërua me një gazetar pasi telefoni i tij vazhdonte të binte gjatë një konference për shtyp.

Sipas mediave ruse, incidenti thuhet se ndodhi gjatë një konference për shtyp në New Delhi, ku ministri i jashtëm rus ndodhet për një vizitë zyrtare.

Një nga gazetarët iu përgjigj një telefonate brenda dhomës, ndërsa Lavrov fillimisht i kërkoi të mbaronte bisedën në mënyrë që intervista të vazhdonte pa ndërprerje.

Ministri rus vazhdoi fjalimin e tij, por pak kohë më vonë i njëjti gazetar filloi të fliste përsëri në telefon.

Lavrov më pas reagoi duke thënë:

“A mund të na lini rehat? Nuk po bëj shaka! Djema, nxirreni jashtë…”, iu drejtua më pas ministri rojeve të sigurisë, duke shtuar më pas:

“Zotëri (gazetarit) më vjen keq, nëse nuk e dorëzoni telefonin tuaj, ata do të nxjerrin një armë”.