Gjykata e Tiranës dha sot (22 maj) masën e sigurisë “arrest me burg” ndaj të ndaluarit një ditë më parë, Elez Hysa, i akuzuar si një nga dy autorët e grabitjes së armatosur të argjendarisë javën e kaluar.
Gjykata ka pranuar kërkesën e Prokuroria e Tiranës dhe ka caktuar masën e sigurisë “arrest në burg me afat 60 ditë” për shtetasin Elez Hysa.
Sipas hetimeve paraprake, i riu dyshohet se bashkë me një tjetër person hynë në një argjendari dhe grabitën bizhuteri në zonën e Kamëz. Policia ende vijon kërkimet për bashkëpunëtorin.
Hetimet për ngjarjen vijojnë, ndërsa pritet të mblidhen prova të tjera për të sqaruar plotësisht rolin e të dyshuarit në ngjarje.
Gjatë grabitjes që zgjati jo më shumë se një minutë, autorët që lëviznin me motor, mbanin skafandra në kokë dhe ishin të armatosur, hynë në subjekt duke kërcënuar.
Ata thyen me sende të forta vitrinat e argjendarisë duke mbushur një çantë me bizhuteri ari dhe metale të tjera të vlefshme. Në largim e sipër, teksa njëri ruante me kallash, tjetri e shoqëron me çantën e mbushur me mallin që kishte një vlerë mbi 50 mijë euro.
Gjatë largimit pati edhe një incident, pasi një prej grabitësve pengohet dhe rrëzohet në hyrje të dyqanit.
