Një 32-vjeçar shqiptar është arrestuar në Itali, për akuzën e trafikut të lëndëve narkotike.
I riu po fshihte mbi një kilogram kokainë në shtëpinë e tij. Për këtë arsye, karabinierët e arrestuan gjatë një operacioni ditën e djeshme afër Xhenovës.
Në momentet e para 32-vjeçari u shfaq nervoz dhe u përpoq t’i shmangej kontrollit. Kjo nxiti oficerët për kontroll të detajuar. Në flagrancë iu kapën 6 gramë kokainë.
Kurse një kontroll i mëvonshëm në shtëpi çoi në sekuestrimin e 1.2 kg kokainë të fshehur në një jastëk në dhomën e gjumit, 1,200 euro cash, dy peshore precize dhe materiale paketimi, informon media italiane.
Pasi u përfunduan procedurat formale, 32-vjeçari u arrestua dhe u transferua në burgun Marassi të Xhenovës, për të pritur një seancë dëgjimore për dënimin.
