Ashtu siç ishte parashikuar, vala e të nxehtit që prej dy javësh kishte përfshirë të gjithë Shqipërinë dhe Europën po largohet.
Mëngjesin e së dielës u regjistruan reshjet e para të shiut, të shoqëruara edhe me vetëtima, ndërsa temperaturat janë ulur ndjeshëm në krahasim me ditët që lamë pas.
Meteoalb thotë se temperaturat sot në rang vendi kanë shënuar minimumin prej 15.0°C (Peshkopi) dhe maksimumin prej 33.7°C (Berat).
Nesër do të ketë një tjetër rënie prej 2 – 3 gradë në mëngjes, por vetëm një rënie të lehtë gjatë mesditës duke bërë që minimumi të ulet në 12 – 13°C ndërsa maksimumi të ngjitet deri në 32°C.
Në orët e vona të mbrëmjes dhe fillimin e së dielës, pjesa më e madhe e vendit rrezikohet nga shira të përkohshëm në formën e rrebesheve afatshkurtra. Mesdita e se dielës dhe pasditja sjellin ri-kthjellim të motit në gjithë territorin.
