Ndaloni zgjedhjet farsë!

04/09/2017 - 12:23

Nga Artan Fuga

Ndalja e farsës zgjedhore sot në Akademinë e Shkencave, mund të jetë fillimi i reformimit të saj!

E kundërta është shkatërrim i saj dhe dëm i pallogaritshëm ndaj shqiptarëve!

Ndaloni zgjedhjet farsë!

Reagim i drejtë i kryeministrit Edi Rama ndaj Akademisë të Shkencave, çka duhet shtrirë sinqerisht, aktivisht, rrënjësisht, pa pritur, pa hile, me vetë reflektim dhe nxjerrje përgjegjësish mbi paaftësinë dhe përgjumjen e nëpunësve të leshtë që nuk ditën ta reformojnë sistemin e prodhimit të dijes në vend!

Ne nuk mund të rrisim shqiptarë të paditur në shekullin e 21!

Falënderoj, jashtë çdo konteksti politik, si anëtar i Akademisë të Shkencave, kryeministrin Edi Rama për pozicionin e drejtë të mbajtur sot në mëngjes, in extremis, dy orë përpara farsës të lemerisshme në Akademinë e Shkencave ku po kërkohet t’i vihet kapak gjoja demokratik me zgjedhje farsë degradimit të saj.

Unë sikurse e kam shprehur modestisht besoj fort se Akademia e Shkencave e Republikës të Shqipërisë mund të reformohet, të bëhet një institucion splendid që të rrezatojë në diturinë dhe shkencën e shqiptarëve, e pavarur, e lirë, por efikase dhe në partneritet me të gjitha agjencitë që janë për një Shqipëri të emancipuar.

Jo, ne nuk i duam ato pare nga buxheti për xhepat tanë. Ose të reformohemi ose ta kyçim derën me turp!

Ndal zgjedhjeve farsë, ky është hapi i parë që duhet bërë sot, jo nesër!

Miq gazetarë, drejtues të medias të gjithë raportoni nëse farsa e zgjedhjeve do të ndodhë! Prania juaj e ndalon atë sepse përpara transparencës që Ju bëtë askush nuk mund të dalë kundër!

Ju e bëtë të mundur gjithçka!

Ju them me sinqeritet se në Akademinë e Shkencave dhe jashtë saj në komunitetin shkencor të vendit ka potenciale intelektuale shpresëdhënëse, por ato janë kanalizuar keq!

Akademikët e pranishëm atje sot do të reagojnë si duhet!

Ata do të ndihen të çliruar!

Duhet një Akademi e hapur ndaj komunitetit të shkencëtarëve dhe universitarëve, ndaj të rinjve që duan t'i hapin udhë kërkimit të tyre shkencor, një Akademi që të jetë shkenca dhe përpunuesja e strategjisë për shkencën, shkenca më e vështirë për t'u bërë, jo thjesht një institut kërkimi, as drejtori kërkimi shkencor, por e mbështetur në meritën dhe në punën, një Akademi që ta ketë të qartë misionin e saj, me ide të qarta, të cilat prej vitesh censurohen atje, një Akademi e gjallë!

Po! Asnjë lek nga buxheti i shtetit nëse Akademia e Shkencave nuk reformohet, por asnjë lek as gjoja "Akademisë të Albanologjisë", e jashtëligjshme me statusin që mori fshehurazi publikut dhe në kundërshtim me ligjin, nëse nuk reformohen asnjë lek as instituteve shkencore, askujt që funksionon në arësim e shkencë, në kulturë dhe art, nëse nuk reformohen, se Akademia e Shkencave nuk është e e veçuar nga gjendja e kërkimit shkencor, e arësimit, e kulturës në Shqipëri, ajo është simptoma e degradimit të diturisë shkencore kolektive të shqiptarëvë në këtë shekull!

Nuk duhet të bëhemi një komb mendërisht i leshtë sikur rrezikojmë fort!

Jo, ne nuk mund të rrisim shqiptarë të pamençur!

Me këtë krim, kudo dhe kushdo ta bëjë, në akademira, institute, universitete publike dhe private, shkolla dhe kopshte, ku injoranca kërkon ta mposhtë dritën askush nuk mund të pajtohet nëse i thotë vetes shqiptar dhe shkencëtar!

Në Akademinë e Shkencave gjithsesi mëkateve u gjend mundësia për të folur. Atje ku heshtet, ujërat janë edhe më të ndejtura e në kalbëzim.

Akademia qysh sot ka shansin që të dalë në krye të procesit!

Nuk ka më asnjë alibi!

Reforma do të jetë e dhimbëshme, por as nuk ka diskutim që mund dhe do të bëhet!

Mbrojtja që disa aludonin se e kishin te ekzekutivi, sot ra!

Ndaloni farsën e zgjedhjeve sot!

/portali DurresLajm/

Na bëni like në facebook!: 

Lajme nga e njëjta kategori

Kryeministri Edi Rama deklaroi në një konferencë për shtyp të martën se qeveria e tij ka ndërmend të zbatojë ligjin e vitit 2015, që para

   Ditën e premte dhe të shtunë, Edi Rama u shfaq në Rinas i emocionuar duke pritur zbritjen e avionit të parë me logon e Air Albania.

   Rama reagoi menjëherë ‎kundër propozimit të PD dhe opozitës për veting me ligj që dekriminalizon politikën shqiptare.

   Kujtimet e Enver Hoxhës janë të mbushura me urrejtje dhe fyerje ndaj dhjetëra britanikëve që luftuan në Shqipëri.

   Partitë populiste 5 Yjet dhe Lega kanë më pak se dy muaj që kanë formuar qeverinë e re italiane, ndaj është ende herët për të kuptuar

   Ndërsa debati për Teatrin Kombëtar vijon, studiuesi i njohur Aurel Plasari ka reaguar përmes një shkrimi në rrjetin social “Facebook”.