Një aksident rrugor ku janë përfshirë disa automjete ka ndodhur para pak minutash në autostradën Durrës-Tiranë, në unazën e Shkozetit.
Sipas informacioneve paraprake nga banorët e zonës janë përplasur tre automjete dhe ka persona të lënduar. Ndërkohë, policia e Durrësit konfirmon se nga përplasja e trefishtë ka mbetur i plagosur një shtetas, që është dërguar me urgjencë në spital dhe ndodhet jashtë rrezikut për jetën
Policia Rrugore ndodhet në vendngjarje dhe po punon për zbardhjen e shkaqeve të aksidentit.
Njoftimi i policisë Durrës/Informacion paraprak
Më datë 01.06.2020, rreth orës 22:24, në aksin rrugor Plepa-Shkozet, janë përfshirë në një aksident rrugor 3 mjete, e për pasojë ka mbetur i lënduar vetëm një shtetas i cili është dërguar në spital, jashtë rrezikut për jetën.
Grupi hetimor ndodhet në vendngjarje dhe po punon zbardhjen e shkakut të aksidentit.