Një 21-vjeçar shqiptar ka rënë në prangat e policisë italiane për falsifikimin e targave të makinave.
Gjatë një patrulle rutinë të policisë në zonën e Via Boaria, autoritetet ndaluan një makinë pa targa ku ndodhej 21-vjeçari me iniciale G.S.
Shtetasi shqiptar nuk ishte i pajisur me patentë dhe leje qarkullimi ndaj policia bëri një kontroll në automjetin e tij.
Oficerët gjetën në sediljen e prapme të makinës tip Alfa Romeo, disa targa të cilat ishin të mbuluara me ngjitës të zi duke fshehur numrin e tyre.
Në cilësinë e provës materiale, policia gjeti pinca të mëdha të cilët përdoreshin për shkuljen e targave.
Shqiptari akuzohet për falsifikimin e targave të automjeteve.
