Dy minorenë të moshës 13 dhe 15 vjeç mbetën të plagosur mëngjesin e kësaj të hëne, si pasojë e një aksidenti rrugor. Ngjarja ndodhi rreth orës 07:17, në rrugën e re të Rinasit.
Sipas policisë, në aksident u përfshi një makinë që drejtohej nga V.S., dhe automjeti me shofere shtetasen A.M., ku ndodheshin dy pasagjerët e plagosur.
Ata u dërguan në spital dhe ndodhen nën kujdesin e mjekëve, jashtë rrezikut për jetën.
Të dy drejtuesit e mjeteve ndodhen në vendngjarje për sqarimin e mëtejshme të ngjarjes.
