Vdekja e të riut në Durrës, policia: Ka rënë nga kati i 3-të, strehohej tek ish-hotel Vollga

Policia e Durrësit ka dhënë të tjera detaje rreth vdekjes së shtetasit sirian mëngjesin e sotëm.

Sipas burimeve zyrtare, i riu dyshohet të ketë rënë nga kati i 3-të i ish-hotel Vollga, në të cilin ai strehohej.

Nga këqyrja e ambientit u gjendën disa sende personale dhe telefoni  i tij.

NJOFTIMI I PLOTË

Më datë 02.06.2020, në orën 06:30, në lagjen nr. 1, Durrës, është gjetur i pajetë një shtetas sirian, rreth 20 vjeç, i cili dyshohet të ketë rënë nga kati i 3-të i ish-hotel Vollga, aktualisht i pabanueshëm, në të cilin ai strehohej. Nga këqyrja e ambientit u gjendën disa sende personale dhe telefoni  i tij.

Nga kryerja e veprimeve të para hetimore dhe ekspertiza e mjekësisë ligjore dyshohet se ky shtetas ka ndërruar jetë për shkak të rënies nga lartësia.

Grupi hetimor po punon për identifikimin e personit dhe shkaqet e ngjarjes.

Materialet i kaluan Prokurorisë së Rrethit Gjyqësor Durrës, për hetime të mëtejshme.