Nxënësit e Durrësit fitojnë 7 nga 14 çmimet e olimpiadës së matematikës në Kosovë

21/05/2019 - 16:44

Nxënsit e shkollave 9-vjeçare të qytetit të Durrësit kanë arritur një tjetër sukses në Olimpiadën e 24 të Matematikës që u zhvillua këtë fundjavë në Klinë të Kosovës.

Nga 14 çmime në total, nxënësit e klasave të shtata, teta dhe të nënta, fituan katër çmime të para, dy çmime të dyta dhe një çmim të tretë. Gjithashtu edhe 7 nxënësit pjesëmarrës të klasave të teta u vlerësuan me "Lëvdatë", duke qenë se ishin pak më poshte me pikë se zona e çmimeve.

Përgjegjësi i sektorit shkencor në Qendrën Kulturore të Fëmijëve Durrës, Agron Xhyra është shprehur i kënaqur me rezultatet duke theksuar se "falë punës së vazhdueshme që kemi bërë me nxënësit që morën pjesë në këtë olimpiadë, ne morën 7 çmime nga 14 të mundëshme, një sukses që flet vetë, ashtu siç ndodhi edhe dy javë më parë në olimpiadën "Matematika 7" që u zhvillua në Durrës, ku tre nxënësit tanë nga Durrësi fituan tre çmimet e para."

Rezultatet e nxënësve nga Durrësi janë vlerësuar edhe nga organizatorët e Olimpiadës gjatë ceremonisë së shpërndarjes së çmimeve ditën e diel në 19 maj. Në këtë olimpiadë morën pjesë 130 nxënës nga Shqipëria, Kosova, Maqedonia, Mali i zi dhe Lugina e Preshevës.

Fituesit sipas klasave:

Klasa e shtatë

1.Erina Çollaku, shkolla "Kushtrimi i lirisë", çmimi i parë

2.Irian Kuliçi, shkolla "Kushtrimi i lirisë", çmimi i parë

3.Lend Kalemasi, shkolla "Vinçenc Prendushi", çmimi i parë

4.Erka Koka, shkolla "Vasil Ziu", çmimi i tretë

Klasa e nëntë:

1.Sabrina Alushi, shkolla "Turgut Ozal", çmimi i parë

2. Tedi Kallço, shkolla "Vinçenc Prendushi", çmimi i dytë

3. Nijada Kacmoli, shkolla "Turgut Ozal", çmimi i dytë

Klasa e tetë:

1.Andrea Boduri, shkolla "Kushtrimi i lirisë", lëvdatë

2. Egis Lika, shkolla "Vincenc Prendushi", lëvdatë

3.Redis Madani, shkolla "Iliria", lëvdatë

4.Sofia Tozaj, shkolla "Turgut Ozal", lëvdatë

5.Erlisa Demneri, shkolla "Turgut Ozal", lëvdatë

6.Klidi Domi, shkolla "Kushtrimi i lirisë", pjesëmarrje

/portali DurresLajm/

Na bëni like në facebook!: 

Lajme nga e njëjta kategori

Sot është ditëlindja e ikonës së këngës shqiptare, Vaçe Zela.

Në vitin 1584, shtypshkronja e qytetit të Durrësit shtyp një libër me poezi latinisht me titull “APOTHEOSIS || Nouiueteris Copiaecornu,||

Përmes një postimi në rrjete sociale, regjisorja durrsake Driada Dërvishi ka uruar Ditën Botërore të Teatrit.

Mjekeve, personelit mjekesor te mesem dhe te ulet,  ne shenje nderimi, mirenjohjeje dhe falenderimi, per kontributin dhe sakrificat e tyr

Mbrëmjen e së premtes, në sallën e teatrit “Aleksandër Moisiu” në Durrës, ZVA shpalli mësuesit më të mirë të Durrësit dhe shkollat e mesm

Qendra Kulturore e Fëmijëve Durrës ka zhvilluar konkursin në poezi, ese dhe pikturë "Përherë në zemrat tona", kushtuar festave të 7 dhe 8

Për të shtatin vit radhazi është zhvilluar në Durrës festivali i kitares klasike, "Guitar Festival".

“Ndonjëherë dita nis kështu për Galaksian dhe Karpetën, kuptohet…”, është ky statusi që aktori Igli Zarka shoqëron foton hot me