Promovohet projekti "Durrësi, qyteti i mozaikëve" (VIDEO)

03/12/2017 - 17:02

Drejtoria Rajonale e Kulturës Kombëtare Durrës, promovoi projektin e saj “Durrësi, qyteti i mozaikëve” duke pasur partner shkollën 9-vjeçare “Bedrie Bebeziqi” dhe shoqërinë private “Alba Mosaici Albania” në muzeun arkeologjik të Durësit.

Në vazhdën e politikave të saj “Edukimi nëpërmjet trashëgimisë kulturore dhe qasjes didaktike”, DRKK Durrës i shndërron këto site në shkolla të vërteta. Projekti konsiston në disa pika tha Ledion Lako, drejori i Monumenteve të Kulturës në Durrës.

Projekti nisi me prezantimin i një seti fotografish të mozaikëve në site të ndryshme të zbuluar në Durrës, duke nisur nga  mozaiku  i Bukuroshes së Durrësit, mozaiku i Orfeut, Bazalika Arapaj, mozaiku i kapelës në Amfiteatër (unikal paretal), mozaiku me Hipokampus, mozaiku i pallatit të Sportit dhe mozaiku me Zvastika.

Specialistët restauratorë, kanë demonstruar para fëmijëve teknikat për të krijuar mozaikët me gurë sipas madhësive dhe ngjyrave që ata kanë në realitet.   

Gjatë aktivitetit është bërë e mundur ekspozimi  i  disa vlerave me mozaikë të punuar artistikisht nga artistë durrsakë si: Gavril Priftuli, Nikolet Vasia, Nelo Lukaçi, Qazim Kërtusha, Amarildo Reçi, dhe firma “Alba Mosaici Albania” me një grup mozaikësh që eksporton dhe jashtë shtetit e cila ishte suport i madh për realizimin e këtij projekti didaktik.

DRKK Durrës do vazhdojë me këto projekte dhe do mbështesë iniciativa në lidhje me edukimin e fëmijëve nëpërmjet trashëgimisë e vlerave kulturore, herë duke u prezantuar si organizator i projekteve të rëndësishme e herë dhe si mbështetës i tyre siç ishte rasti i pak muajve më parë i projektit “Argjila, Aseti i Qytetit Tim”.

/portali DurresLajm/

Video: 
Na bëni like në facebook!: 

Lajme nga e njëjta kategori

Qendra Kulturore e fëmijëve në Durrës, ka organizuar për të 9-in vit me radhë, kampionatin e Shahut mes shkollave 9-vjeçare të rrethit.

Shkrimtari dhe gazetari durrsak, Bashkim Hoxha, zgjodhi ditën e dashurisë dhe qytetin e tij të lindjes për të paraqitur para dashamirësve

Në ambientet e Muzeut Arkeologjik të Durrësit është zvhilluar takimi me temë “Muzeu dhe interesi i tij publik”.

Dhjetëra artistë të njohur, por edhe një pjesë e atyre që për arsye emigrimi apo papunësie kanë braktisur karrierën, kanë fituar sipas nj

Në 5-vjetorin e ndarjes nga jeta të ikonës së humorit shqiptar, Skënder Sallaku, Bashkia e Tiranës u dha familjarëve medaljen e mirënjohj

Është ndarë nga jeta në moshën 75-vjeçare Kiço Blushi, gazetar, shkrimtar dhe skenarist i njohur.

Të gjithë ata që pëlqejnë zërin e kantautorit Ermal Meta do të mund ta ndjekin sërish nga afër.