Chris Smalling pati nevojë për shoqërimin e policisë për të kapur avionin që do të kthente skuadrën e Manchester United nga Roterdami në Angli. Mbrojtësi u vonua së tepërmi në fund të ndeshjes së Europa League gjatë kontrollit anti-doping, sepse organizimi i tij vuajti në urinimin e nevojshëm për të mbushur provëzat që kontrollohen nga inspektorët shëndetësor të UEFA. Manchester United u mposht 1-0 nga Feyenoord, të enjten në mbrëmje. Trajneri Jose Mourinho dhe pjesa tjetër u skuadrës e lanë Smalling në stadiumin “De Kuip” dhe u nisën për në aeroport, pasi mbrojtësi, ndryshe nga shoku tjetër Ander Herrara, nuk po urinonte! Kjo gjë është e përhapur mes futbollistëve në fund të ndeshjes dhe është një problem i njohur më parë si pasojë e dehidratimit në fushën e lojës. Megjithatë, pjesa tjetër e ekipit u nis përpara dhe vetëm me ndihmën e eskortës së policisë, që e shoqëroi në trafik, Smalling arriti në kohë ekipin përpara se fluturonte për në Angli.