Shtatë pikat e rendit të ditës u miratuan në unanimitet të plotë sot në mbledhjen e Këshillit Bashkiak Durrës, nga 37 anëtarët e pranishëm.

Në hapësirën e rezervuar pyetjeve nga këshilltarët, anëtarja Etleva Velçani pyeti kreytaren e bashkisë Emiriana Sako, lidhur me mospërfundimin ende të rikonstruksionit të tregut agro-ushqimor të qytetit.

Sipas Velçanit, tregtarët ankohen për rënie të xhiros për shkak se një pjesë prej tyre ende nuk ushtrojnë aktivitetin në kushte normale prej mungesës së banakëve.

Në fjalën e saj, Sako sqaroi arsyen se pse tenderi për blerjen e banakëve të tregut u bë në dy faza. Sipas saj, për shkak të rritjes së çmimit të hekurit nuk pati kompani të interesuara dhe për këtë arsye u shty procedura tenderuese.

“Pjesa e dytë e asaj që nuk eshtë ende funksionale do të bëhet brenda muajit”, tha Sako.

Pas dy vitesh që mbledhjet e KB Durrës zhvilloheshin në sallën e qendrës kulturore “Aleksandër Moisiu” apo online, mbledhja e kësaj të enjteje u bë në sallën e dikurshme të Këshillit Bashkiak te godina e bashkisë pas përfundimit të disa rikonstruksioneve të vogla.

PIKAT QË U MIRATUAN:

  1. 1.PËR MIRATIMIN E FAMILJEVE PËRFITUESE TË NDIHMËS EKONOMIKE NGA FONDI I KUSHTËZUAR PËR BLLOK NDIHMËN EKONOMIKE DERI 6 % DHE FONDI NGA TË ARDHURAT E BASHKISË, PËR MUAJIN PRILL 2022
  1. 2.PËR MIRATIMIN E PLANIT TË MASAVE PËR PARANDALIMIN DHE MENAXHIMIN E ZJARREVE NË PYJE DHE KULLOTA TË BASHKISË DURRËS PËR VITIN 2022
  1. 3.PËR MIRATIMIN E PËRDORIMIT TË FONDIT TË RINDËRTIMIT TË PËRFITUAR NË ZBATIM TË VENDIMIT TË KËSHILLIT TË MINISTRAVE NR. 167, DATË 18.03.2022 “PËR PËRDORIMIN E FONDIT TË RINDËRTIMIT, PËR FINANCIMIN E RINDËRTIMIT TË BANESAVE INDIVIDUALE NË BASHKITË DURRËS, VORË, KAMZË DHE RROGOZHINË”
  1. 4.PËR MIRATIMIN E NDRYSHIMEVE NË VKB-NË NR.162, DATË 23.12.2021 “PËR MIRATIMIN E LISTËS EMËRORE TË NXËNËSVE TË ARSIMIT PROFESIONAL DHE KONVIKTEVE TË SHKOLLËS SË MESME PROFESIONALE “BEQIR ÇELA” DHE SHKOLLËS SË MESME TEKNOLOGJIKE “HYSEN ÇELA”, QË PLOTËSOJNË KRITERET LIGJORE PËR PËRFITIMIN E BURSAVE DHE PAGESAVE PËR VITIN SHKOLLOR 2021-2022”
  1. 5.PËR MIRATIMIN E NDRYSHIMIT NË VKB-NË NR.163, DATË 23.12.2021 “PËR MIRATIMIN E LISTËS EMËRORE TË NXËNËSVE TË ARSIMIT PARAUNIVERSITAR SI DHE KONVIKTIT TË SHKOLLËS SË MESME SPORTIVE “BENARDINA QERAXHIA”, QË PLOTËSOJNË KRITERET LIGJORE PËR PËRFITIMIN E BURSAVE DHE PAGESAVE PËR VITIN SHKOLLOR 2021-2022” TË NDRYSHUAR
  1. 6.PËR DISA NDRYSHIME NË VENDIMIN E KËSHILLIT BASHKIAK NR.158, DATË 23.12.2021 “PËR MIRATIMIN E BUXHETIT TË BASHKISË DURRËS PËR VITIN 2022 SI DHE PROJEKTBUXHETIN AFATMESËM TË BASHKISË DURRËS 2022-2024”

7.PËR MIRATIMIN E PËRDORIMIT TË FONDIT TOTAL PREJ 10,033,344 LEKË PËR ZBATIMIN E PROJEKTIT “RIKONSTRUKSIONI I TERRENIT SPORTIV NË SHKOLLËN 9 VJEÇARE “FSHAT RINIA”, NJËSIA ADMINISTRATIVE KATUND I RI, DURRËS, SI NJË KONTRIBUT I PËRBASHKËT MIDIS BASHKISË DURRËS DHE WORLD VISION ALBANIA.