Marina e Korpusit të Gardës Revolucionare të Iranit paralajmëroi anijet të qëndrojnë larg anijeve luftarake amerikane në ngushticën e Hormuzit pas përleshjeve gjatë natës, duke thënë se duhet t’u japë një mësim atyre.
“Ne ju këshillojmë të mbani një distancë prej të paktën 10 miljesh nga anijet luftarake për sigurinë tuaj, sepse ndonjëherë ne duhet t’u japim Yankees një mësim me raketa dhe dronë,” thanë ata.
Një burim i industrisë detare tha për CNN se iranianët u bënë thirrje të gjitha anijeve që ishin në pjesën veriore të ngushticës të lëviznin më afër Dubait, gjë që e bënë të gjithë, duke shtuar se kishte të shtëna intensive me armë në rrugën ujore atë ditë.
Trafiku në ngushticën e Hormuzit mbetet i reduktuar ndjeshëm me disa incidente të reja të lidhura me sigurinë të raportuara në 48 orët e fundit. Por, operimi në rrugën ujore mbetet me rrezik të lartë bazuar në sulmet e fundit ndaj anijeve në zonë.
Që kur SHBA dhe Izraeli filluan sulmet ajrore kundër Iranit në fund të shkurtit, Irani ka kërcënuar të godasë çdo anije që kalon nëpër ngushticën e Hormuzit pa leje nga marina e IRGC.
