Kreu i Shteti shqiptar, Bujar Nishani ka marrë një mesazhmirënjohjeje nga Presidenti i Shteteve të Bashkuara të Amerikës, Barack Obama.



Kreu i shtetit amerikan në mesazhin e tij shpreson në vijimin e bashkëpunimit SHBA- Shqipëri, në këto kohë të paqarta, me qëllim mbrojtjen dhe sigurimin e lirisë dhe lumturisë së njerëzve anembanë botës.



“I dashur Zoti President! 

Ju falenderoj në emër të popullit amerikan për mesazhin tuaj të mirëmenduar që shprehte urimet teksa ne festonim 237-vjetorin e pavarësisë! Me miratimin e Deklaratës së Pavarësisë më 4 korrik 1776, etërit tanë themelues farkëtuan një komb të bazuar mbi idealet, të cilat me kalimin e kohës, kanë marrë më tepër rëndësi – përkushtimin e palëkundur ndaj lirisë, begatisë dhe në kërkim të lumturisë për të gjithë. Në këto kohë të paqarta, unë shpresoj se mund të vazhdojmë të punojmë së bashku për t’ua sjellë ato bekime njerëzve anembanë botës. Sinqerisht, Barack Obama”, thuhet ne mesazh.