Një person ka ndërruar jetë në Roskovec, pasi u bë dëshmitar i sherrit të të birit me një person tjetër.
Rreth orës 20:00 të së enjtes, 69-vjeçari Baftjar Vrapi, është dërguar pa shenja jete në Qendrën Shëndetësore Roskovec.
Nga veprimet e para hetimore dyshohet se 69-vjeçari ka pësuar arrest kardiak, pasi ka qenë i pranishëm gjatë një konflikti të çastit ndërmjet djalit të tij dhe një shtetasi tjetër, pa qenë vetë i përfshirë në konflikt.
Grupi hetimor, nën drejtimin e Prokurorisë, po punon për sqarimin e plotë të rrethanave të rastit.
