Përplasja mes dy mjeteve në aksin Tiranë – Durrës ka shkaktuar plagosjen e një të mituri.
“Në orën 16:10, në aksin rrugor Tiranë-Durrës, shtetasi M. E., duke drejtuar mjetin tip “Citroen”, është përplasur me mjetin tip “Ford”, me drejtues shtetasin S. K., e për pasojë është lënduar një shtetas i mitur rreth 2 vjeç, pasagjer në njërin mjet, i cili ndodhet nën kujdesin e mjekëve”,– njofton policia.
Drejtuesit e mjeteve janë shoqëruar në ambientet e policisë, për veprime të mëtejshme.
Grupi hetimor ndodhet në vendngjarje dhe po punon për përcaktimin e shkakut të aksidentit.
