Një efektiv i policisë kufitare, ka humbur jetën si pasojë e një aksidenti rrugor.
Mësohet se 50-vjeçari Lek Nikolli, po udhëtonte me automjetin e tij, tip “Mercedes Benz” nga Lezha në drejtim të Shkodrës, kur ka humbur kontrollin e makinës dhe ka dalë nga rruga. Për pasojë ai ka gjetur vdekjen e menjëhershme si pasojë e plagëve të marra.
Kanë qenë kalimtarë të rastësishëm ata që kanë parë aksidentin dhe kanë njoftuar policinë. Efektivët e policisë pasi mbërritën në vendin e ngjarjes, nisën hetimet për zbardhjen e shkaqeve të aksidentit.
Ndërkohë, paraprakisht dyshohet se shkak për aksidentin është bërë shpejtësia dhe përgjumja e drejtuesit të makinës që udhëtonte pas përfundimit të turnit të tretë në punë si polic kufitar në Shëngjin drejt Shkodrës ku edhe banonte.
