Dy kroçera të tjera në portin e Durrësit, sa turistë kanë ardhur që nga fillimi i vitit

18/06/2019 - 10:32

Sot në orët e para të mëngjesit në kalatat 4 dhe 5 të portit të Durrësit u ankoruan kroçerat “La Belle De L’Adriatique” dhe “Seven Seas Voyager”, me 877 turistë gjithsej.

Turistët e organizuar në grupe dhe nën kujdesin e operatorëve turistikë janë nisur me autobuzë drejt qyteteve të Krujës, Beratit dhe Tiranës, ku do të vizitojnë qendrat historike dhe muzeale. Një pjesë e tyre kanë preferuar të qëndrojnë në Durrës për të vizituar Muzeun Arkeologjik të qytetit si dhe Amfiteatrin antik.

Autoriteti Portual ka krijuar të gjitha kushtet për sigurinë edhe lëvizjen e turistëve në territorin portual.

Që nga fillimi i këtij viti në portin më të madh të vendit janë ankoruar 11 kroçera me 2.194 turistë gjithsej, bëhet e ditur nga Sektori i Statistikave në APD.

Nga agjencia e lundrimit “Intermed Shipping” mësohet gjithashtu, se kroçera “La Belle De L’Adriatique” me gjatësi 110 metra mbërriti në Durrës sot paradite, pas dy ndalesave në Sarandë dhe në Vlorë, ndërsa në mbrëmje vonë do të niset për në portin e Tivarit (Mali i Zi). Me këtë kroçerë po udhëtojnë 154 turistë nga shtatë vende të Evropës, 135 prej të cilëve nga Zvicra.

Kroçera “Seven Seas Voyager” ka një gjatësi 206 metra.

Turi i saj 11-ditor përveç Durrësit përfshin disa nga portet e njohura turistike të Mesdheut, si Saint Tropez, Monte Carlo, Venecia, Sorrento, Venecia, etj.

723 udhëtarët e këtij turi vijnë nga 22 vende të ndryshme, por pjesa më e madhe janë turistë nga SHBA, 476 vetë, dhe nga Britania e Madhe, 97 të tjerë.

/portali DurresLajm/

Na bëni like në facebook!: 

Lajme nga e njëjta kategori

Në Terminalin e Kontejnerëve në portin e Durrësit në 6 muajt e parë të këtij viti janë përpunuar 70.483 njësi kontejnerike TEU gjithsej.

Mbi 12 mijë udhëtarë kanë mbërritur në Durrës me tragete gjatë javës së parë të muajit korrik, ndërsa rreth 6.500 të tjerë

50 mijë qytetarë kanë zgjedhur të udhëtojnë nëpërmjet Portit të Durrësit përgjatë muajit qershor 2019.

Autoriteti Portual Durrës njofton se në koherencë me nevojat e zhvillimit të mëtejshëm të mjediseve portuale, ka vënë në dispozicion të j

Hapësira nënujore e bregdetit shqiptar ka një trashëgimi kulturore nënujore shumë të pasur, e cila nëse do të dokumentohej, certifikohej

Rritja e efikasitetit në shërbimet portuale, ka ndikuar në rritjen e ndjeshme të sasisë së mallrave të përpunuar dhe për rrjedhojë dhe të

Autoriteti Portual Durrës njofton se porti i qytetit bregdetar është një destinacion i preferuar i jahteve tursitikë, ku që prej fillimit

61 turistë nga vende të ndryshme të botës mbërrijnë në Portin e Durrësit me velierën “Sea Cloud”.

Afro 160 mijë udhëtarë në periudhën janar – maj 2019 kanë preferuar të lundrojnë me tragetet e linjave Durrës – Bari dhe Durrës – Ankona

Java ka nisur me reshje intensive shiu, duke krijuar pengesë në përpunimin e mallrave në portin e Durrësit.