Moti i keq/ Vonesa e pezullime në lundrime nga brigjet italiane në drejtim të Durrësit dhe anasjellas

12/11/2019 - 13:30

Kapitaneria e Portit të Durrësit njofton se për shkak të motit të paqëndrueshëm që ka përfshirë Adriatikun Jugor, janë krijuar vonesa në nisjen e trageteve nga Porti i Barit në drejtim të Portit të Durrësit.

Konkretisht, trageti i linjës Bari-Durrës (Aurelia) nuk është nisur mbrëmjen e kaluar nga Porti i Barit, deri në qetësimin e   kushteve meteorologjike. Ndërkaq, edhe tragetet e parashikuar për t’u nisur mbrëmjen e sotme nga Bari dhe Ankona në drejtim të Portit të Durrësit, kanë pezulluar përkohësisht lundrimet, deri në përmirësimin e situatës së motit.

Trageti “Rigel III”, “AF Francesca” që kanë parashikuar të lundrojnë mbrëmjen e sotme nga Porti i Barit, nuk do të nisen në oraret e parashikuara.

Po ashtu edhe trageti i linjës Ankona-Durrës, “AF Marina”, nuk do të lundrojë sot në drejtim të Durrësit. Vonesa do të ketë edhe në lundrimet nga Durrësi në drejtim të Barit/Ankonës. Kapitaneria ka kërkuar të qëndrojnë në vendstrehime të gjitha mjetet lundruese, ndërsa puna është ndërprerë në ngarkim shkarkimin e anijeve për shkak të erës së fortë dhe shiut.

Kapiteneria, Autoriteti Portual Durrës, agjencitë dhe institucionet e tjera detare, janë në gatishmëri të plotë për monitorimin e situatës së krijuar.

/portali DurresLajm/

Na bëni like në facebook!: 

Lajme nga e njëjta kategori

Zhvillimi i mëtejshëm i sektorit të detarisë, infrastrukturës portuale, turizmit dhe peshkimit, përmes zbatimit të politikave të integrua

Përpunimi i mallrave tranzit me destinacion Kosovën gjatë vitit 2019 është rritur me 110,6 % krahasuar me vitin paraardhës-mësohet nga të

Pjesë e përpunimit të mallrave gjatë kësaj jave në portin e Durrësit kanë qenë dhe dy transformatorë elektrikë, të cilët do të shfrytëzoh

Qendra e Informacionit në Autoritetin Portual Durrës njofton se në kalatat e portit të Durrësit vazhdon sot përpunimi i tre anijeve me ma

Tre tragete me udhëtarë parashikohet të nisen sot në mbrëmje nga Durrësi, dy nga të cilët drejt portit të Barit.

Deti i trazuar dhe era e fortë në brigjet e Italisë jugore kanë penguar natën e kaluar nisjen e dy trageteve të linjës Bari – Durrës.

Përgjatë ditës së sotme dhe nesërme (04-05.01.2020), tragetet do të dyfishojnë lundrimet e tyre me portet e Italisë, me qëllim përballimi

Kanë rinisur normalisht lundrimet e trageteve nga Porti i Durrësit në drejtim të brigjeve Italiane dhe anasjellas.

Gjatë javës së fundit në portin e Durrësit kanë mbërritur me tragete 21,163 udhëtarë me 4,939 autovetura gjithsej.

10.180 pasagjerë dhe 2326 automjete kanë hyrë në vendin tonë, vetëm përgjatë fundjavës nëpërmjet Portit të Durrësit.