Një ngjarje jo e zakontë është regjistruar këtë të diel në bulevardin “Dëshmorët e Kombit”, ku një automjet është “parkuar” në shkallët e godinës së Kryeministrisë.
Pas përplasjes, drejtuesi i automjetit doli nga makina dhe u ngjit qetësisht në shkallët e godinës. Më pas, ai ka shkelmuar dyert e Kryeministrisë.
Një efektiv policie afrohet pranë automjetit, por largohet pak sekonda më vonë duke qëndruar në distancë. Efektivi nuk ndërhyn në momentin kur qytetari godet dyert e institucionit.
Rrethanat që kanë shtyrë drejtuesin e mjetit të ndërmarrë një akt të tillë mbeten ende të paqarta. /BW
