Kryeministri Edi Rama gjatë një vizite zyrtare në Kajro, Egjipt, ka vizituar ditën e sotme xhaminë dhe varrin e Muhamed Aliut, shqiptari që admirohet si babai i shtetit modern egjiptian.
Gjatë vizitës Rama u shoqërua nga kabineti qeveritar dhe nga homologu i tij Moustafa Madbouly.
“Njihet si fortesa e Muhamed Aliut. Ai ishte shqiptar dhe e konsiderojmë themeluesin e Egjiptit të ri. Xhamia është ndërtuar në kujtim të Osman Pashës, djalit të tij. Xhamia është me të njëjtin stil me atë të xhamive otomane. Arkitetkti i kësaj xhamie është nga Stambolli. Ky ndërtim është një shkëmbim influencash nga Turqia në kohën otomane. Xhamia është një pikë reference e Kajros. Kemi deri në 5 mijë tursitë në ditë”- tha kryeministri egjiptian.