Një 30-vjeçar shqiptar ka përdhunuar një të mitur në Greqi dhe është shpallur në kërkim nga policia. Denoncimin e ka bërë nëna e 13-vjeçares në qytetin e Evias. Sipas autoriteteve, shqiptari i është afruar 13-vjeçares përmes rrjeteve sociale dhe nga data 20 tetor deri më 4 nëntor ata flisnin rregullisht.
Sipas mediave greke, familja e 13-vjeçares jeton në Nea Styra në Evia jugore dhe 30-vjeçari ka arritur të bindë të miturën të takohen dhe më pas e ka përdhunuar.
Vajza e mitur nuk i ka treguar askujt ngjarjen. Një e afërme e të miturës ka parë mesazhet që 13-vjeçarja kishte shkëmbyer me 30-vjeçarin, para dhe pas përdhunimit të saj.
Nga mesazhet ajo mësoi për aktet e shëmtuara të shqiptarit dhe njoftoi nënën e të miturës, e cila shkoi direkt në Policinë e Kalkidës për të denoncuar ngjarjen. Shqiptari është në kërkim.
