Dalin bisedat e përdhunimit të shqiptares, Santosi i prish kontratën Robinhos

17/10/2020 - 18:12

Klubi brazilian i Santosit raportoi se ka prishur kontratën me Robinhon, për shkak të presionit të madh nga fakti që sulmuesi është dënuar për dhunë seksuale në Itali, ngjarje që ka ndodhur në vitin 2013, kur luante me Milanin.

“Santos dhe Robinho raportojnë se, me marrëveshje të përbashkët, vendosën të pezullojnë vlefshmërinë e kontratës së nënshkruar më 10 tetor në mënyrë që lojtari të përqendrohet ekskluzivisht në mbrojtjen e tij në procesin që zhvillohet në Itali,” shkruan klubi në rrjetet sociale. Ish-lojtari i Real Madridit, Manchester City-t dhe Milanit u dënua në vitin 2017 me nëntë vite burg nga Gjykata e Milanos për përfshirjen e tij në përdhunim në grup të një vajze të re 23-vjeçare me origjinë shqiptare. Ngjarja ndodhi në vitin 2013 në një klub nate në qytetin italian.

Robinho, 36 vjeç, foli me keqardhje për prishjen e kontratës, duke u shprehur se qëllimi i tij “ishte gjithmonë të ndihmonte Santosin. Nëse po prish punë në ndonjë mënyrë, është më mirë që të largohem dhe të përqendrohem në punët e mia personale. Do të provoj pafajësinë time për tifozët dhe ata që më mbështesin.”

Santosi njoftoi një javë më parë se kishte siguruar shërbimet e sulmuesit anësor, i cili nënshkroi një pagë simbolike në bazë të së cilës do të përfitonte 265 dollarë në muaj, pak më shumë se paga minimale në Brazil. Sidoqoftë, nënshkrimi i tij u kundërshtua fort nga disa menaxherë dhe sponsorë të klubit të São Paulos.

Të mërkurën e kaluar, kompania “Orthopride” njoftoi nëpërmjet një qëndrimi zyrtar se po tërhiqej nga sponsorizimi i klubit “në respekt të grave” që konsumojnë produktet e saj. Kjo dalje u pasua nga kërcënimi i sponsorëve të tjerë për të lënë klubin. “Qershia mbi tortë” u vendos këtë të premte nga portali “GloboEsporte”, që publikoi transkriptimet telefonike, që drejtësia italiane përdori për të dënuar Robinhon për dhunë seksuale.

Në një nga ato biseda, muzikanti Jairo Chagas, i cili performoi në vendin e ngjarjes natën e përdhunimit në grup, i shprehu Robinhos shqetësimin e tij në lidhje me ecurinë e hetimit, por lojtari brazilian i është përgjigjur: “Unë  po qesh dhe nuk më intereson fare, sepse ajo ishte plotësisht e dehur, as nuk e di se çfarë ka ndodhur”.

Në një telefonatë tjetër, Robinho pranoi që ai “provoi” marrëdhënien me viktimën, ndërsa muzikanti i kujtoi: “Të pashë kur i vure penisin në gojën”, ndërsa sulmuesi iu përgjigj se “kjo nuk do të thotë se ia bëra”.

Përveç Robinhos, për këtë ngjarje është dënuar edhe miku i tij, Ricardo Falco. Katër brazilianë të tjerë gjithashtu thuhet se morën pjesë në aktin që u klasifikua nga Zyra e Prokurorit të Përgjithshëm të Milanos si “dhunë seksuale”, por ata u larguan nga Italia gjatë hetimeve dhe, për këtë arsye, po gjykohen veçmas.

/portali DurresLajm/

Na bëni like në facebook!: 

Lajme nga e njëjta kategori

Është hedhur shorti për ndeshjet gjysmë finale në Ligën e Kombeve që do të luhen përkatësisht në datat 6 dhe 7 tetor të vitit të ardhshëm

Tifozët më të rinj të futbollit me të drejtë mund të shtrojnë pyetjen: pse Diego Armando Maradona nuk e ka fituar asnjëherë Topin e Artë?

Lionel Messi është nxitur nga djali i Diego Maradonas që të heqë dorë nga fanella e tij me numrin 10 në Barcelonë si një nderim për legje

Ky është një sezon që nuk po shkon edhe aq mirë për Real Madrid. Los Blancos, pasi triumfuan me Interin, pësuan dy humbje radhëzi.

Ylli brazilian Nejmar, ishte protagonist në një veprim që po bën xhiron e internetit.

Goli ndaj ukrainasve ishte i 750-i në karrierë për portugezin, që për herë të parë në një ndeshje zyrtare e ka dërguar topin në rrjetë më

Humbja ndaj Realit të Madridit në “San Siro” ishte edhe fundi i eksperimenteve për Antonuio Conten, që vendosi të heqë dorë nga prova për

Teuta është parë si një nga pretendentet kryesore këtë sezon.

Një protestë e ashpër në përfundim të ndeshjes ndaj Beneventos i ka kushtuar shtrenjtë sulmuesit spanjoll të Juventusit Alvaro Morata, pa

Një futbollist është regjistruar duke goditur arbitrin me shkelm në stil "kung-fu" pas tensioneve dramatike në fund të një ndeshjeje të r