Sfida me Kukësin, mesfushori Lorenco Vila: Në fushën tonë nuk falim më

20/11/2020 - 12:33

Teuta, pas dy fitoreve të fundit ndaj Tiranës në kampionat dhe Kastriotit në Kupë, e ka shtuar optimizmin në grup në prag të sfidës së radhës, ku të shtunën presin Kukësin në “Niko Dovana”.

Ky optimizëm është shfaqur edhe te sulmuesi Lorenco Vila, i cili ka shprehur qartë bindjen e tij se Teuta do të marrë tri pikë edhe këtë javë.Ndërkohë Vila është pyetur edhe për gjendjen e tij pas dëmtimit që pësoi ndaj Tiranës. Ai pohoi se është gati, por edhe po të kishte mëdyshje do të sakrifikonte për të kontribuar për Teutën në rrugën e realizimit të objektivave.

Lorenco, a është gati Teuta për sfidën e radhës ndaj Kukësit?

Teuta është gati për këtë ndeshje. Trajneri na ka folur shumë për këtë takim. Pas suksesit me Tiranën duhet që të jemi edhe më shumë më “këmbë në tokë”. Duhet të luajmë shumë fort. Të japim gjithçka që kemi dhe ta mbyllim këtë vit në një mënyrë të kënaqshme.

Cili është objektivi për këtë takim?

Për ne është shumë e rëndësishme që në ndeshjen me Kukësin të marrim tri pikë. Kam besim tek ekipi për ta arritur këtë gjë. Kemi folur për ndeshjen me Tiranën. E kemi analizuar dhe kemi parë se kemi bërë disa gabime, që për Kukësin duhet që t’i kemi parasysh këto gjëra. Me këto ekipe që kanë shumë cilësi duhet të luajmë më të përqendruar.

Kukësi vjen me moral të ulët, a shikohet ky si një favor për Teutën?

Jo nuk e mendoj ashtu. Kukësi ka shumë lojtarë me kualitet. Ato kanë një ekip të mirë. Kanë bërë mirë këto dy javë, pavarësisht se nuk kanë marrë pikë. Pra, nuk shikoj ndonjë favor. E rëndësishme është që të luajmë mirë, ashtu siç i kemi luajtur të gjitha ndeshjet e tjera.

Do të ishit të kënaqur edhe me një barazim?

Ne jemi ekip i ndërtuar për kampion dhe me çdo kundërshtar luajmë për tri pikët. Por, duhet të shohim lojën. Nëse do marrësh një pikë, varet nga mënyra si e arrin, pasi mund të jesh dhe i kënaqur ose të hidhërohesh se mund të jesh duke fituar dhe pastaj barazohesh. Por, ne do luajmë për tri pikë si gjithnjë.

Të shtunën, të gjithë ju presin në fushë. Jeni gati?

Në fakt, edhe po të mos isha gati, do të mundohesha ta bëj një gjë të tillë pasi përpara është një ndeshje e vështirë ndaj Kukësit. Jam në 100% të formës sime, por, edhe po të mos isha gati, do të mundohesh të jap më të mirën, derisa trajneri më beson formacionin.

Keni ndierë dhimbje gjatë këtyre ditëve në seancat stërvitore?

Kam kryer masazh edhe ushtrime përpara çdo seance stërvitore dhe jam stërvitur me grupin. Nuk di çfarë të them më shumë se kaq. Kjo tregon që jam në formën time.

Do të ketë ndryshime këtë të shtunë Teuta?

Nuk di t’i përgjigjem kësaj pyetjeje pasi këtë e vendos trajneri. Di të them vetëm se në fushë do të zbresin 11 lojtarët më të mirë dhe ata që do të luajnë do të japin maksimumin për ta fituar takimin.

Pas Kukësit vjen Vllaznia, një tjetër ndeshje e vështirë. Mos ndoshta tani nis “malorja” e vërtetë për ju?

Për momentin mendojmë për Kukësin sepse ne i marrim ndeshjet e një nga një. Të përfundojmë këtë javë, pastaj flasim edhe për javët në vazhdim. Nuk besoj dhe nuk do të ketë asnjë “malore” për Teutën.

Së fundmi, kush fiton të shtunën?

Sigurisht Teuta. Teuta nuk do të falë në shtëpinë e saj dhe për këtë ju garantoj që nuk ka për të ndodhur.

/portali DurresLajm/

Na bëni like në facebook!: 

Lajme nga e njëjta kategori

Barcelona është shumë pranë kolapsit financiar dhe një falimenti të mundshëm që do të shkatërronte për shumë vite klubin katalanas.

Teuta do të luajë nesër në 16:45 me Kastriotin, në duelin që vlen për javën e gjashtë të Superligës shqiptare.

Edi Martini, trajneri i Teutës, ka dalë sot në konferencë për shtyp në prag të ndeshjes me Kastriotin.

Milan vijon formën e shkëlqyer edhe në Europa League. Kuqezinjtë mposhtën me përmbysje Celtic në ndeshjen e pestë të fazës së grupeve duk

Është hedhur shorti për ndeshjet gjysmë finale në Ligën e Kombeve që do të luhen përkatësisht në datat 6 dhe 7 tetor të vitit të ardhshëm

Tifozët më të rinj të futbollit me të drejtë mund të shtrojnë pyetjen: pse Diego Armando Maradona nuk e ka fituar asnjëherë Topin e Artë?

Lionel Messi është nxitur nga djali i Diego Maradonas që të heqë dorë nga fanella e tij me numrin 10 në Barcelonë si një nderim për legje

Ky është një sezon që nuk po shkon edhe aq mirë për Real Madrid. Los Blancos, pasi triumfuan me Interin, pësuan dy humbje radhëzi.

Ylli brazilian Nejmar, ishte protagonist në një veprim që po bën xhiron e internetit.

Goli ndaj ukrainasve ishte i 750-i në karrierë për portugezin, që për herë të parë në një ndeshje zyrtare e ka dërguar topin në rrjetë më